實習完

今日係最後一日, 真係有d唔捨得同學, 有d同學都係里幾日先同佢地講多少少野,.
可惜我就要走了...

今日最後一次上2A數學, 聽度很多同學講很不捨得....講不要走....真的很開心.....
其實一入到班房, 今日比平時靜......很靜.......我從來冇想過大家會靜.....
令我更不捨得里班同學.....謝謝你們....

最後同大家影了一d相.. 影相時好吵 >< 好彩冇校長同老師行過...... 仲有一樣唔記得講...
我成日都係黑樣寫錯字,寫錯野..讀名講書都讀錯字,,,同學幫我更正..謝謝你們呀....^^
其中一個我覺得好難讀既:" 夾 "..我識讀啦!!!
多謝大家送比我的: 7張感謝卡,2份禮物和一條好意外既糖. 多謝大家...

對於同學, 我覺得很對不起你們! 我覺得自己教你們的知識太小, 沒有好好利用好每一堂的時間.

另外仲有4班電腦, 因為一星期才上一堂, 所以好多名字我都不太記得..只記得樣子.
今日同教的一班講, 我要走,下堂原任老師教返, 只係好似交代比佢地聽...
不過有d學生說,不要走呀.....喜歡你教......(原因可能係: 成日比10分鐘上網) ......
其實完全冇想過同學有里個反應....好開心......
可惜我連同學的名都還不記得..感覺度對不起同學........
至於另外3班電腦堂, 我連講要走都未講過.>< ..連交代一聲都沒有...不太好...


總結..這次實習很開心..不過留下太多既功課未做.....

星期五

時間過得很快..剩下2天教書.
在這個月真的很享受在這里教書既過程.
亦很不捨得學校的生活...更不捨得我的學生...
同時間亦同一些同學熟了, 同學都對我很好.


不過時間實習就快完, 我既功課又係要交既時候 ..
今日趕功課.......做得好少......唔知點入手.......



係一個新既環境多數會有一些唔開心的事發生.
中6,7時 有不開心
上到大學時, 都有不開心的事
去一d補習社做時,都會有不開心的事
但今次感覺很好,很開心.校長, 老師,同學都真係好好好好好...........
可惜一個曾經教過我亦教會了我很事的副校長病了,未見過佢.希望佢快d好返......



不過..睇來里幾日就會好煩.......功課!!!!!......好難做!!!

星期日

今天帶李炳的家長和學生去科大參觀.
過程都幾順利..
途中從一個音樂miss 的口中聽度..原來"超級巨聲"里面有個劉威煌係佢既學生,
會邀請佢來李炳唱歌...,不過係21/12號 >< 到時我都走了啦,,,,很可惜冇得聽..........

星期5..有點累的一堂

下午一堂數學堂..因為有很多野想教, 咁先可以比度星期6/日的功課 以及 星期一的小測..
所以一定要同學靜才可以..所以上堂時見度同學吵, 我就罵及罰企...
罵及罰企對同學來說或者已是平常的事..慣了吧..;..同學都覺得沒有什麼大不了....
2a其實成班都幾好的...不過! 不停會有同學說話......
為了可以今天教完一d野, 所以就只好罵了...對同學來說..罵大家..好似令大家有點不太開心...
自己就覺得辛苦...完堂之後 ..真的很累...................
原來要罵同學, 又要上堂...是那麼的辛苦...

咁樣上堂的氣氛好似冇咁好了..
這樣上堂...;我真很不喜歡...都係不要這一種上堂方法了...
跟返自己性格教吧...勉強去罵只係令自己累.......
都係喜歡原來的教法......有笑聲的班房.....
努力..教好這一班------2A ...


很矛盾...做學生時,很想老師給多一點時間我上堂講野,休息或訓下覺..
而家做老師, 卻很想同學可以靜既時間多d, 聽多一點書.........

星期四

今天早上一堂上2a 數學... 一個quiz. 成績都幾好...
不過都係因為有部份同學吵. 阻了一些時間 .想講多一些難的題目都沒有時間..
不過同學對於書本上要識的,都應該ok了..問題不大...對於同學下星期的chapter test.
都問題不大..希望大家考好d......


下午2堂電腦堂..過得很快...中一電腦速成 ok. \ 中二 vb , 部份同學想唔度code 點加.同加去邊..

放學課外活動 教數學解難班. 是訓練他們數學去參加比賽的.
大概有10個同學, 見度同學真係好乖,都好聰明.
真係可以把自己想講野既講出來..同學都理解得很快..
這一堂上得很開心.. 很享受這樣教及這一堂.....

星期三

今天得一堂數學堂.. 今天既班房都是有吵..很小時間係全班靜下來聽書...
(本見過里班2a 真的很乖, 所以很少很少罵佢地,都比很多自由大家講野.)
不過班房吵既時間太多....
想教多d同學點樣做...不過冇咩時間可以講多幾題/...... 見度仲有部份同學唔識做..

收功課和工作紙時..有d同學冇帶,又有同學冇做........
上完一堂之後, 不斷吵的班房覺得真幾辛苦下........

觀察度有d同學真係好聰明.....非常好
都係最喜歡教2a班..... 不過聽日想自己好過d, 就只好大聲同惡d了...2a班同學要小心....
亦是想大家可以學度多一些,為了你們,為了我自己, 只好唔比大家咁放縱了 !!


下午冇堂....想開始做功課....不過訓了成個下午..未做過..聽日開始嘗試拿出來做吧..
剩下時間不多了..好快要交....


不知是否電腦堂要教2班中1的電腦速成...搞度自己喜歡了打字......見度唔識既字都問多了..
.........教佢地之餘,自己都學度更多..哈哈...........

星期二

今日數學睇堂, Dr lam said lesson plan 寫得唔係咁清楚, 要改一改 @@"..
不過上堂時同學都叫做好合作, 只係時不時就吵一陣...
都知道佢地已經盡量唔吵..不過都有同學訓覺....我就即去吵佢 ..哈哈..
見度有d同學好想訓,都忍住唔吵係度聽書,,
有同學幫我叫其他同學唔好吵..
有同學明明被人整緊,但都忍住,冇去玩...

雖然唔係成堂都保持靜..不過都叫ok.....
(相比佢地原任老師來睇堂時, 成班未出過聲= = 原任老師很強..)

最後, 比了2個distinction , 其它全credit. 好開心...
雖然覺得可以再好d...不過都算了..都ok了 ...

星期一

今日得一堂2a 班數學堂, 都係做一些全等三角形的題目
和對工作紙...
出了一題比較難的,同學亦未見過類似的全等三角形題目給同學想, 有一位同學想度怎樣做
好勁!!! 唔知仲有冇同學識..可能冇講出來吧...
不是是否星期日同學玩得太多..或太夜訓..
今日留意度.同學.....黑眼圈@@" 仲有同學訓覺.......

下午做了幾份lesson plan...　
之後就ｍｓｎ約埋　keith and dick play basketball tonight.......
實習以來都未見過他們．．．

聽日睇數學的老師來睇堂．．．
努力　．．！

實習的第8天

今天早上沒有堂..因為星期二lam sir 來睇堂, 他要我send幾份教案，　所以早上只準備教案．

到了下午，　第一堂是數學堂，先派卷改卷．因為有很多工作紙，所以叫同學在堂上做工作紙，及做作業．想鞏固同學對全等三角形的認識．　
本來想，他們應該做不完工作紙及作業的．　咁就可以當功課帶回家做．
不過有些同學做得太快．意料之外．這樣，同學就沒有功課帶回家做． = =
上堂途中,大家都吵一陣,又靜一陣,
不過想想當年自己,如果老師給我做功課,我自己都想同
旁邊的同學說下話..所以我就和同學講,你地可以討論,不過不可以太大聲..
雖然成堂班房都係不斷發出一ｄ聲．．．不過最後同學的功課都交得很齊.
都算ｏｋ．．．

第二堂上電腦ｆｏｒｍ１　速成，排隊時很吵,我很大聲叫大家排好隊. 跟住叫一個很喜歡講野的同學幫我睇住有冇同學吵.就咁樣,就冇咩同學吵了= =　這一班成堂很乖．．先要求同學打了幾個字，再叫他們上我們的ｉｃｔ４ｕ　做速成功課，　他們見度可以上網，都很開心．
上了ｆｏｒｕｍ　打完字的同學，　給了他們５分鐘玩里面的遊戲．
之後，又叫他們跟書本上的字打出來．再打了１０多分鐘，　剩下大約３分鐘時，就給同學
上網了．．一打鐘下堂時，　我就講落堂，同學放學，就ｌｏｇoff 大家的電腦.
點知原來同學上緊網做緊一d野, 他未save .= = 我就用出面的電腦把他的電腦log out 了.
最後只好給多他一個"印仔"...........

今天msn bigkei問我用不用幫我出一份速成的功課在ｉｃｔ４ｕ度，我當然想啦．謝謝．
哈哈．．
咁樣同學又可以上去做．

實習的第7天

今天電腦堂黎sir 睇堂. 原本想正正常常教同學, 開始時都自己覺得不錯.
不過教到一半時,同學有些可能做完,有些同學不明怎樣做, 就開始有小小吵...
我就大聲罵同學,叫同學坐好,不準說話.
過了一會,又有同學說話, 我又很大聲罵.
這一堂已經罵了很多次. 而家想返 ,都真的覺得自己好似過份了很多...
當時的腦是空白的,亦或者我怕他們吵會影響到睇堂.

平時見度的部份老師都係大聲罵,不知不覺間原來我代入了
老師們的角色. 沒有理會大家的感覺, .. (不知怎樣說.) 但這樣做
實在有點兒辛苦...

完堂之後,喉嚨有小小不舒服, ..想像度那時的罵是怎麼的大聲..
這樣真的不太好．　要學返適可而止．好好處理．
平時的自己都不喜歡罵人或大聲說話.這亦不是我的性格.

所以, 都係用返自己的教法好.　用返自己的性格教書或者是最好的．
. 不是任何人都做度別人可做的...

加油... 下堂處理返今堂不好的..努力..


ps. 原任老師真係好好, 他知黎sir 來睇堂時,
keyboard本來有小小問題，但其實問題不大，　他立即幫我換．　
本來我要帶學生來電腦室上堂，　他亦幫我帶．
他一向不睇我上堂，　他今天說來睇一睇先，比一比意見我．等我表現好的．
又問我有沒有什麼需要幫手的．
還和同學強調要靜，不要上堂吵．
放學後，他來圖書館想問我教成點，不過我不在．明天再找他．
真的非常感謝他．

實習的第6天

早上見度教電腦的原任老師, 問我有沒有問題..我說有同學打架.佢老師講係sen = special emotional needs 問題係自閉.不是hyper..昨天誤解了...他給我提供了一些意見怎樣處理...

早上的一堂數學堂,是教2a , 原任老師來睇堂. 這班2a 真的很識做..完全沒有吵.. 不過上到一半時,都有同學想訓覺, 不過我不給他們機會啦...即叫醒....
同學的合作,令到我沒有一點緊張.. 上堂的表現亦很好..
到了後半段,同學還很勇躍答問題...
同學表現很好..我非常滿意..很開心..

明天黎sir 來睇堂..

加油..

實習的第5天, ----------不知如何處理的堂

lunch 前 , 上數學堂. 2a 班. ..叫同學把作業錯了的改正完,
全班的卷都改正完.. 又教了小小書的內容,,雖然都係有些吵.
都算ｏｋ．．

到了下午, 令我難處理的事來了. 下午是第一堂教這一班的電腦堂,
這班完全不同之前的班別....
叫同學排隊去電腦室時, 另一位電腦老師同我講, 小心處理你果班,有一位同學有小小hyper and with other problem... 一到電腦室，同學坐下，　他就不停說話．　我教想示範比大家睇點樣做，他就和另一位同學打架了．．．另一位同學不停笑他及說一些暗示的說話．．
其他同學就在笑．．他仍很想打同學．．我立即喝止，不過他還是企起身和哭了，．還很衝動．．被打的同學又想還手．最後把其中一個同學換位了．就這樣．．
時間過了２５分數（我一堂才５５分鐘）．．
接著，同學就不停問怎樣做題目．．．最後，　只有２－－３位同學是完成了該堂的功課．
從未試過上這麼混亂的一堂．．
下星期只好分開他們坐．再睇睇惰況可否改善，　這一堂．．有小小失落感．．


ｐｓ．　明天原任數學老師來睇堂．不過還是很有信心．．不會老師失望．．

實習的第四天

今早第二堂就是數學堂, 不是是否放完2日假, 學生放假的心情仲未回復? 今日學生特別吵..
原來打算教的內容,只教度一半...上課時比上星期吵..又是要叫大家靜靜靜.又要惡小小...講小小野就要停一停..要同學罰企.....
這班的班長是我第一次見過的負責任的班長, 他上堂時雖然都會和同學講野,
不過班長見同學吵,或見我停下來, 班長就會立即叫同學靜.

上堂時要 : 派卷,同學交作業, 開鎖派返書比同學.
差不多落堂時要 : 收回卷, 收同學書 .
今天是第一次要收和派咁多野 , 真係好混亂同吵...
要想想辦法了...


原來今日打算用5分鐘講下我們的平台ict4u網址給同學,讓同學可以上網問功課.或交流意見.
不過最後時間不夠,沒有講出來.
等待明天數學堂再講給同學聽吧.....

加油.........

14/11 星期六

改完2a數學的卷,大部份同學都考得很好.你們都很聰明.
在堂上不斷強調同學一定要順序方法做全等三角形
同學真的有聽書,
很大部份的同學識用順序方法找全等三角形的對應邊和對應角.
雖然小部份同學答案最後可能計錯,不過已經很好了.
不過見度同學識得應用,已經很開心了.

記得4年前在李炳讀時, 學校的website 上出現"李炳同學做得到" .
我知道,只要同學努力,你們一定做得到 !!!.
李炳同學加油.....

實習的第三天

今日教了一堂數學, 一堂電腦

數學堂都是和之前差不多,教全等三角形, 同學還是未能成堂靜靜地上堂,
都係要叫大家唔可以吵,停下來一陣. 才肯靜. 過了一陣,又吵返.
所以一堂里面講了3次要靜下來....
寕願頭幾堂惡小小. 都要大家靜才來才再上堂. 咁樣同學才會學度更多...
不過很開心,見度有些同學成堂都很專心上堂.
總結數學堂還是開心的.

到了教電腦 (中一速成), 今日係第一日教電腦科,
一班有20人, 第一次見他們, 同學問題都不大,可能是中一的關係和第一次見面
大家都可以靜靜地坐係電腦室里面,
不過我開機時就出現了小小問題, 教到中途時,部電腦突然間關機...
好彩有書,就叫同學睇書自己練,睇下睇不睇得明白..
有一半同學本來就識速成, 不過很多都打得比較慢..所以叫他們練習打電腦書的文章,
而唔識速成的同學,我就教他們打.
里班中一表現很好.

教了三日, 上堂時都覺得很開心, 不過空堂時間大多. 又沒有其他實習生,沒有什麼可做.
下星期考慮下做essay 吧..@@"

實習第二天

今天早上數學堂,一樣是教全等三角形,感覺上比昨天好了一些.
雖然都還是有同學上課時吵. 有同學講教得太慢,另一同學又講有些唔明.
不過我覺得速度咁樣問題不大, 想同學理解得好一些. 怕他們之後的會不明白.
每次同學講野,就會有其他同學呼應. 要浪費時間叫大家安靜.

剩下20分鐘時,給了他們一份quiz,
有部份同學就不太明白難的題目,
還有小部份同學不明白怎樣做(簡單的部份).

下午,睇了2堂電腦堂, 一堂是中1, 另一堂是中2教vb,
見度同學好易打錯字...


相信明天會更好.....

實習的第一天

今日得一堂數學堂 教全等三角形
同學的表現都算冇咩太問題(只是上堂時有點吵 和 有些同學不太專心).
還不太記得同學的名字, 記了一部分人的樣子.


發現當我講野時,同學在下面又講野,原來咁樣講野都幾辛苦.
同影響我教書的速度.
所以決定,聽日要多強調大家要靜,等大家都靜了才開始再講書.

仲有一日就要去實習

今天在家試了要教的visual basic . 希望到實習時同學們都認真聽.

實習要教課程

實習要教 中1 , 中2 電腦 和 中2數學 .

hello everyone

hello everyone